Kama ulikuwa shabiki wa Marehemu Aaliyah, karibu ujue kingine kizuri kilichokuja kwa jina lake kabisa ..!!

Kwenye Album ya Staa wa Marekani, Chris Brown ambayo ilitoka mwaka 2014 akaipa jina la ‘X‘, kuna hit single ya ‘Don’t Think They Know‘ ambayo producer wa Chris alifanya mautundu ikapatikana sauti ya Marehemu Aaliyah na ngoma ikawa hit kubwa Duniani !!

Marehemu Aaliyah enzi za uhai wake.

Ni kawaida sana kwa wenzetu kufanya ubunifu, hata kama staa mwenye jina hayupo lakini bado jina lake linaweza kutumika kuzalisha pesa nyingi tu, ndugu jamaa na watu wake wa karibu bado wanakuwa kwenye nafasi ya kuingiza pesa kwa jina lake… Biashara ya perfume zenye jina la Aaliyah inakuja mtu wangu, kaka wa Aaliyah, Rashad Haughton pamoja na mama yake, Diane Haughton wameingia Mkataba na Kampuni ya Xyrena kwa ajili ya kutengeneza perfume zenye jina lake.

Katika makubaliano yao ni kwamba 5% ya mauzo itakwenda kwenye Mfuko wa Aaliyah Memorial Fund ambao unahusika na kutoa misaada kwenye Taasisi mbalimbali zinazosaidia masuala mbalimbali ikiwemo matatizo ya Cancer na Magonjwa ya Moyo.

Jina la perfume hiyo ni ‘Aaliyah’ by Xyrena‘, na ndio perfume ya kwanza kutengenezwa ikiwa na jina la mwimbaji huyo.

Chris Brown – Don’t Think They Know Feat. Aaliyah hii hapa mtu wangu